الفرق بين السوفت وير & الفيرموير & والفلاشه

نبدأ بالسوفتوير

وهو يعتبر البرنامج التشغيلى لأى جهاز ديجتال فيدخل فى السوفتوير

عدة برامج منها مثلا

1- قيم الريموت الذى يعمل على الريسيفر نفسه محل السؤال

2- يدخل فيه قيم الألوان الخاصه بالبث والاضاءه والوضوح

حتى يدخل فيه برامج خاصه لتزامن الصوره رأسى وأفقى

لعلاج خاصية البث ( فرتكال وهورزنتال )

3- تشغيل أى مفاتيح فى واجهة الريسيفر الاماميه

4- التحكم الشامل فى كل شىء خاص بالريسيفر

ومنها عوامل الاشاره والصوت

يعنى وكما ذكرت فى البدايه بأنه هو البرنامج التشغيلى

للريسيفر يعنى بمعنى أصح السوفتوير بالنسبه للريسيفر

يعتبر صوره طبق الأصل من نسخة الويندوز للكمبيوتر مع

اختلاف الفارق طبعا



2- أما الفريموير فهذا ملف بيكون مسحوب من الريسيفر

ممكن استخدامه كعملية مسح أو لعلاج بعض الأخطاء

الناجمه عن تحميل أى أمر بالخطأ للريسيفر



3- الفلاشه

علميا الفلاشه هى ( i c ) متكامله بداخل الريسيفر وتعمل

هذه الأى سى ( الفلاشه ) على تخزين أى بيانات قد قمت أنت

باستخدامها سواء كنت بتستخدمها أنت بطريقه صحيحه أو بطريقه خاطئه

حبيبى الغالى لاتزعل من كلامى فكلامى موجه للجميع وموجه لى أنا كمان

بالنسبه لذكرى لعبارة ( كنت بتستخدمها أنت بطريقه صحيحه أو بطريقه خاطئه )

لأن الريسيفر بنشتريه علشان نستخدمه فأحيانا تجد ناس تقعد تحمل بيانات

وأشياء غريبه لاتدرى شىء عنها فهذا الشىء المحمل لو كان خاطئا

بيتحمل على الفلاشه فيجى الأخ صاحب المشكله يشكو من مشكله تسببت

فى الريسيفر ومنها وقوف الريسيفر على نقطتين ( حمراء وخضراء )

فى هذه الحاله بنرد عليه ونقوله شحن فلاشه يستوجب على الريسيفر

ومنها أيضا من يشكو بأن جهازه عامل بوت ولا يفتح وأيضا السبب

بيكون شحن فلاشه ومنها ومنها وأعطال غريبه وبيكون برضه السبب

شحن فلاشه

يعنى وكما ذكرت لك الفلاشه

هى

( مخزن تحميل المعلومات بالنسبه للريسيفر )

يعنى من الأخر وهقربلك الموضوع شويه

فلو تأملت ونظرت لأى سى الفلاشه بالنسبه للريسيفر

وأيضا نظرت وتأملت فى الفلاشه اللى بنستعملها لنقل بيانات

من كمبيوتر لكمبيوتر أخر أو لاستخدامات معينه وأيضا ميمورى الموبايل

هتلاقى وجه التشابه فى الخواص بينهم متقارب جدا ووظيفتهم تدخل

ضمن اطار واحد وهى( تخزين بيانات )