عدم الكشف عن اسرار تحويل الاجهزة الى دناجل يحافظ على استمرار التحويل ونجاحة

طب فين المشكلة لما تعلموا المبتدئين عندما بدأتم كنتم صغار وكبرتم وها انتم كبار وجيل بيعلم جيل يعني هيا حال الدنيا وليه نتكبر على المبتدئين ونوريهم انهم لايفقهون شيئ طب علموهم والمنتديات خلقت لتبادل الخبرات لا للاحتكار يعني اي مفكين وماني عارف ايش ليش انتم عندما بدأتم بدأتم بدبابة ام بمفكين وها كبرتم على هذا الجيل من علمني حرفا كنت له عبدا والعبره لمن يريد الاحتكار له ولايريد لغيره النفع لاياأهلينا مش كده الكلام خليكم كبار في نظرنا ولاتجعلونا ننظر بمنظار الانانية وحب الذات والكبرية 00 وبس خلاص

فعلا والله عندك حق

للاسف ان اساسا 3/4 المشرفين فى المنتديات ليس لهم فى مجال الستالايت بالمرة

والواحد بيتعجب بيختروهم ازاى مشرفين هل بعدد المشاركات وخلاص سواء كانت صح او غلط ؟؟

وبالفعل كما قال الاستاذ الكبير د/هانى لابد من ان يكون هناك وقفة

لارجاع الامور الى مسرها الصحيح

استاذنا نحن ضد الاحتكار
نحن ضد الانانية
ولكن :
نحن ضد من الدخلاء
العلم له قواعد واصول
يعنى مش معقول ابدأ اعرب جملة فى النحو وانا معرفش اقرا واكتب
ودا بالظبط اللى بيحصل
انسان لا يدرى اى شئ عن اى شئ ويعبث باجهزة الناس ويتدخل فى ما لا يعنيه
تصدقوا : والله العظيم فى احد المنتديات واحد بيسأل على تعديل الدونجل وبيقول كيف اقفل المقاومة
طيب يعنى دا عاوزنا نقول ايه فيه
انسان هيلعب فى بوردة ومش عارف يعنى ايه يقفل المقاومة
انسان بيتدخل فى موضوع مش موضوعه من الاول
يعنى المفروض ان يبقى فيه تدرجات فى العلم وممنوع انك تروح اى درجة غير لما تتقن الدرجة اللى انت فيها
انا لا انكر انى فى يوم من الايام كنت مبتدئ (وما زلت مبتدئ برضه ) وكنت لا اعلم شئ ولكن فى نفس الوقت كنت باحاول اتعلم بطريقة صح ولا انكر فضل من علمونى
ولكن كل معلومة اكتسبتها كانت باجتهاد واصرار على التعليم وكان دا مجال شغلى اللى حبيته واللى اتخصصت فيه
ولكن اليوم تعالى شوف اللى بيحصل
- منجد شغال بتاع دش هههههههههههههه وربنا بجد ما هو تهريج ولا حاجة
- سباكين ونجارين و و و و وغيره
انا لا اقلل من شان مهنة ولكن لكل انسان مهنته التى هو يجيدها يعنى هو استاذ فى مهنته الاصلية بس عمره ما هينجز فى اى مجال تانى
والنتيجة الطبيعية انه هيحاول يضاربنى فى اكل عيشى
حكى لى احد رواد المنتديات الكبار والمرموقين ان فى بلدهم واحد بيلف على البيوت علشان يقول للناس انه بيحدث وبياخد الريسيفر من البيت ويحدثه ويرجعه البيت تانى ( دليفرى دش يعنى ههههههههههه )
طيب بالله عليكم دا وضع
وللاسف النت والمنتديات هى السبب فى الموضوع دا
انا كنت باشتغل نت وكانت ساعة النت على التليفون ب 6 جنيه وفاكر انى فى مرة والله دفعت 950 جنيه نت ودا لانى بحب المجال دا وعاوز اتعلمه
دلوقتى النت بجنيه فى اليوم ويمكن اقل وكل من هب ودب بقى بيدخل
موضوع ساهل جدا

اتمنى من الله عز وجل
ان يقفل الاجهزة المحولة الى الميكرو بوكس
علشان الكل يرتاح
بصراحة الموضوع باخ جدا جدا

وفوق كل زى علم عليم اتقو الله كل واحد عاوز يتعلم ولا يعلم احد الكلام الذى قراتة فى هذة المشاركة لم ارى مثلها فى اى منتدى اخر وللاسف من ناس كبار ان دل فانة يدل على ما بداخل صدورهم وشكرا

هما كلمتان مفيش غيرهم لا للاحتكار ولا للتغريق انا مع فريق الشامل في اللي عمله اللي هو طرح الموضوع في مسابقه اي اي فكره جديده تدخل في مسابقه واللي يفوز يبقي يستحق انه يعرف التعديل ...................يعني اللي هيفوز هيبقي ادا زي مخد..............ودا في نظري يبقي العدل .......................

مشكورين جميعا بس فعلا دى بقت مصيبه كل من هب ودب دخل مجال الالكترونيات وكله بقى محصل بعضه والكل بيحول وكده بقى عبقرى ومهندس ومحدش قده المصيبه الكبيره جانبى( حلاق )وعنده نت فى المحل بقى مهندس الكترونيات وبيحول الاجهزه لدونجل وشغااااااال وزى ماتيجى معاه واحنى نقشر بصل..... يا اما نتعلم الحلاقه بس اكيد الحلاقه هتكون اصعب من التحويل بتاع الدونجل ههههههههههههههه ربنا يسترها

يا جماعه دا اكل عيش يعنى انا معرفش اشتغل حاجه تانيه غير الالكترونيات فالمفروض كل واحد له تخصص وكل واحد له مجال يشتغل فيه مش كل من هب ودب يبقى مهندس صيانه ويدخل ويسأل اسئله غريبه ميعرفشى المقاومه من الدايود ويقول هل المقاومه ليها اتجاه فاحنا مش ضد الفنى المبتدىء ولكن نحن ضد حلاق او سباك عامل فيها مهندس الفنيين على عينا وراسنا بس الحكايه بقت بوظه وفى الاخر الفنى هو اللى هيكسب لان اللى بيعجن ده ماشى على خط سير لو فقد جزء من خط سيره تاااااااااااااه انما الفنى دماغه شغاله ممكن يراوغ العطل ويتحايل على الاله ويعدل ويبتكر فنحن مع الابتكار وكل عام وانتم بخير

اخلى الفاضل ممكن اسالك انتا اتعلمت التحويل من مين ؟
اكيد من ناس اجتهدت وعلمتنا
كمان بالسهولة حل غطاء جهاز معدل ونقل الفكرة
شوف اخى نسبة الاقبال على المنتديات وعدد الزوار زاد بكثرة
ودا ايجابى مو سلبى
تفتكر لو الجزيرة خفضت الاشتراك كان حد حول واشترى 2 ريسيفر
حتى العدسات سعرها نزل 4 جنية وتباع ب 5 جنية
الكل استفاد واتعلم
النت علمنا كتير واكيد الى قبلنا لو بخلو علينا ما كنا اتعلمنا
شكرا ليك

الف لاف الف شر اخى

الســــلام عليكم جميعا
انا من اشد المؤيديين لصاحب الموضوع
لانه فعلا كل من هب ودب عمل مثل هذا التعديل للمدعو هيروشيما وباركليبس
واصحاب مراكز الصيانه اللى تعبوا وسهروا حتى توصلوا لهذا التعديل ضاع تعبهم هباءا
اما عن اصحاب الشركات المنتجه للمكروبوكس تاكدوا تماما انهم شيقفونه قريبا ون يقفو
مكتوفى الايدى
مع العلم انه يوجد اشخاص كثيرين يعدلواا اجهزه كثيره الى مكروبوكس وارخص من الهيروشيما
واباركليبس ويحولوا ايضا اجهزه اخرى الى واى6
وبفضل الله سوف نحول تحويلات اخرى لانواع اخرى غير الواى6 والمكروبوكس
وربنا يبعد عننا من يسرقوا تعبنا وسهرنا وينسبوه لانفسهم فى منتديات اخرى
ويكتبوها حصريا " وانفراااد وخد عندك عنواين رنانه
دمتم بود

الميكربوكس لو عايزه تقفله هتفلله ولكن هذه هى دعايه للدنجول لان كثير من الناس لاتعرف الدنجول

اخوانى اصدقاء المنتدى لوكل صاحب فكره احتكرها لنفسه ماكانش حد بقى عنده دش اساسا وعشان كده لازم تسيبو الناس تشتغل وحتى لو قفل الدنجل زى المره الى فاتت مسير حد يطلع فكره جديده والناس برده حتشتغل وهى دى سنة الحياه وكفايا على صاحب الفكره انه يحس بالفخر ان فكرته بتتداول

كلام مية المية فعلا دارى على شمعتك تقيد