الحقونى استرا 7000 بيعمل ريستارت غيرت مكثفات الباور كلها وشكلها ضربت تانى

استرا 7000 بلس كان من فترة يطفى لوحده ويشتغل بعدها عادى لمدة طويلة
ومن كام يوم وبداية من موجة الحر دى بقا الجهاز بيطفى على طول كل 3 ثوانى مثلا
وكان فى نغمشة بسيطة فى الصورة من الجزء العلوى من الشاشة

عملت بحث على النت لقيتهم كاتبين انى اقيس خرج دايرة الباور
ولما قسته لاقيت سلك ال 3 فولت القراية مش ثابت ما بين 2.5 و 3 فولت
وسلك ال5 فولت قايس 7.3 فولت يعن زيادة
وسلك ال 12 فولت قاس 19 فولت
وسلك ال 23 مفيش خالص مفتوح

روحت مغير كل المكثفات اللى فى الدايرة وقيست الخرج كل القرايات زى ما هى عدا سلك ال23 بقا بيقيس 31 الى 33 فولت

قولت اجرب
الجهاز اشتغل زى الفل وما فيش نص ساعة باظ تانى

قولت اقيس الخرج لاقيت نفس الجهود اللى فاتت بما فيهم سلك ال 23 فولت
ياترى المشكلة فين وايه سبب زيادة الجهود

ملحوظة -الجهاز وهو بيقصل بيكتب رقم زيرو على شاشته

وليه اشتغل وبعدين باظ وهل انا كدة محتاج اغير المكثفات تانى

انا مستنى ردود العباقرة
اسف للاطاله